Qusbegi Baqytjan Júnisovtiń qolynan shyqqan at ábzelderi tańdaı qaqtyrdy - Pavlodar oblysy
ASTANA. QazAqparat - Pavlodardaǵy ortalyq alańda keshe uıymdastyrylǵan Naýryz merekesine kelgen jurt baıanaýyldyq qusbegi Baqytjan Júnisovtyń qolynan shyqqan at ábzelderi buıymyn qyzyǵa tamashalady.
Belgili qusbegi Baqytjan Júnisov Baıanaýyl aýdany Jumat Shanın aýylynda turady, dep habarlaıdypavlodarnews.kz .
Naýryz merekesine arnalǵan kórmege ózi jasaǵan erdiń úsh túrin, noqta, júgen, qamshy, bıshik jáne ótkir kezdik syndy ańshyǵa kerekti qural-jabdyqtardy qoıypty. Sonymen qatar, búrkitshi qala turǵyndary men qonaqtaryna kórsetý úshin ózi ańǵa salyp júrgen qarshyǵasy men búrkitin jáne attaryn da ala kelgen. Ol endi qazaqtyń osy kıeli ónerine toǵyz jasar ulyn baýlyp júrgenin jetkizdi.
«Qusbegilik ónerge toǵyz jasar ulymdy baýlyp júrmin. Birinshi mamyr merekesine jınalǵan jurtqa atpen teńge alý, aýdaryspaq sekildi at sporty túrlerin kórsetemiz. Qazirgi tańda "EKSPO-2017" kórmesine kelgen sheteldik qonaqtarǵa kórsetý maqsatynda qaıys buıymdarynan at ábzelderin daıyndap jatyrmyz», - deıdi Baqytjan Júnisov.
