Qus jolynan bógde galaktıkanyń izi tabyldy: ǵalymdar oǵan erekshe at qoıdy
ASTANA. KAZINFORM – Ǵalymdar mıllıardtaǵan jyl buryn Qus joly galaktıkasy jutyp qoıǵan ejelgi ergejeıli galaktıkanyń qaldyǵy bolýy múmkin 20 juldyzdy anyqtady, dep habarlaıdy DW.
Federıko Sestıto bastaǵan zertteýshiler metaldarǵa kedeı juldyzdar tobyn zerttegen. Bul juldyzdardyń hımııalyq quramy ózara uqsas bolǵanymen, aınalasyndaǵy juldyzdardan aıtarlyqtaı erekshelenedi.
Juldyzdar Qus jolynyń negizgi dıskisinde ornalasqandyqtan, ǵalymdar olardy galaktıka óte erte kezeńde jutyp qoıǵan bolýy múmkin dep esepteıdi.
Kompıýterlik modeldeý nátıjesinde metaldarǵa kedeı bul juldyzdardyń ejelgi júıeniń «qaldyǵy» bolýy yqtımal ekeni anyqtalǵan.
Ǵalymdar jańa júıeni skandınav mıfologııasyndaǵy qudaıdyń qurmetine «Lokı» dep atady.
Ǵalymdardyń málimetinshe, Qus jolynyń jasy shamamen 13 mıllıard jyl. Qazirgi kólemi men pishinine ol shaǵyn galaktıkalar men juldyz shoǵyrlaryn jutý arqyly da jetken.
Eske sala ketsek, buǵan deıin adamnyń Veneraǵa ushýy nege múmkin emes ekenin jazdyq.
