Qus tumaýynyń jańa negizi óte qaýipti - Dúnıejúzilik densaýlyq saqtaý uıymy
ASTANA. 25 sáýir. QazAqparat - Dúnıejúzilik densaýlyq saqtaý uıymy bıyl Qytaıda 20-dan astam adamnyń ómirin qıǵan qus tumaýynyń jańa shtammy adamdar úshin asa qaýipti ekenin eskertedi, dep habarlaıdy VVS.
Atalǵan uıymnyń mamandary H7N9 vırýsyn óziniń túrinde eń qaýipti ekenin jáne ol qustan adamǵa tez juǵatynyn alǵa tartyp otyr.
Uıymnyń ókili Keıdjı Fýkýdanyń habarlaýynsha, vırýstyń adamnan adamǵa juǵatyndyǵyn sarapshylar áli de anyqtaı almady.
Dúnıejúzilik densaýlyq saqtaý uıymynyń qyzmetkerleri qytaılyq tórt provıntsııada qaýpti vırýsty juqtyrý boıynsha 90-ǵa jýyq oqıǵa tirkelgennen keıin ótken aptada Qytaıǵa kelgen bolatyn.
