Qus tumaýynyń taralýyna baılanysty qazaqstandyq týrısterge eskertý jasaldy
ASTANA. 15 qańtar. QazAqparat - QR IJTM Týrızm ındýstrııasy komıteti týroperatorlar men týragentterge A(H5N1) vırýsty tumaýymen aýyryp jatqandardyń sany birqatar elderde artyp bara jatqany týraly eskertedi.
Álemdik aqparattyq agentikteriniń málimeti boıynsha, Vetnamda, Indonezııada, Egıpette, Kambodja men Qytaıda qus tumaýy aýrýymen aýyrǵandardyń sany kóbeıýde.
«Osyǵan baılanysty, QR IJTM Týrızm ındýstrııasy komıteti týroperatorlar men týragentterge, joǵaryda atalǵan elderge barǵaly jatqan týrısterge qajetti saqtyq sharalary men jeke tazalyq erejelerin saqtaý týraly habar taratýǵa keńes beredi», - delingen taratylǵan málimetterde. Sonymen qatar bazarlar men sý qoımalaryndaǵy qustardan aýlaǵyraq júrý, tamaqtaný úshin qus etteri men jumyrtqalaryn ruqsat etilmegen saýda oryndarynan almaý kerektigi eskertildi.
