Qus tumaýynyń órshýinen AQSh-ta qus ólimi rekordtyq deńgeıge jetti

ASTANA. QazAqparat – Іndet AQSh-ta Alǵys aıtý kúninde dástúrli taǵam sanalatyn jumyrtqa men kúrketaýyq etiniń qymbattaýyna ákeldi, dep habarlaıdy QazAqparat «Amerıka daýysy» agenttigine silteme jasap.

Bıylǵy jyly AQSh-ta qus tumaýynan 50,54 mıllıon qus qyryldy. AQSh-tyń Aýyl sharýshylyǵy mınıstrliginiń derekteri boıynsha bul el tarıhyndaǵy eń qaýipti indet boldy. Taýyqtardyń, kúrketaýyqtardyń jáne basqa qustardyń ólimi búgingi kúnge deıin janýarlardyń densaýlyǵyna qatysty eń joıqyn apat boldy, bul qus tumaýynyń órshýi kezinde 2015 jyly 50,5 mıllıon qus ólgen aldyńǵy rekordty jańartty.

Infektsııa kóbinese qustardyń ólimine ákeledi. Bir qustyń synamasy oń nátıje bergennen keıin qus fabrıkalary aýrýdyń taralýyn boldyrmaý úshin mıllıondaǵan qusty óltiredi.
Qustardyń qyrylýy jumyrtqa men kúrketaýyq eti baǵasynyń rekordtyq ósýine ákelip soqty, bul joǵary ınflıatsııaǵa tap bolǵan tutynýshylardyń ekonomıkalyq máselelerin kúsheıtti jáne AQSh-ta Alǵys aıtý kúnine arnalǵan negizgi taǵamnyń qunyn kóterdi.
Buǵan deıin Japonııada qus tumaýynyń órshýine baılanysty 1,5 mıllıonnan astam taýyq soıylatyny habarlanǵan bolatyn.
Foto: AP