Qus tumaýynyń H7N9 vırýsy Qytaı astanasyna jetti
BEIJІŃ. 13 sáýir. QazAqparat - Beıjińde qus tumaýynyń H7N9 qozdyrǵyshyn juqtyrǵan alǵashqy adam boıynsha málimet rastaldy. Qaterli dertke 7 jastaǵy qyz shaldyqqan eken. Bul týraly atalmysh qalanyń densaýlyq saqtaý basqarmasy habarlap otyr.
Qazirgi tańda naýqas bala astanalyq aýrýhanada em-dom qabyldaý ústinde. Onyń jaǵdaıyn aq halattylar turaqty dep baǵalap otyr. Qyzymen etene aralasqan ata-anasynan tumaýdyń belgileri tabylmaǵan.
12 sáýirdegi aqparatqa sáıkes Qytaıda qus tumaýynyń H7N9 qozdyrǵyshyn juqtyrý boıynsha 43 jaǵdaı tirkelse, onyń 11-i qaıǵyly aıaqtalǵan.
Ázirge vırýstyń bir adamnan ekinshisine juǵatyny dáleldenbegen.
