Qus tumaýy saldarynan shyǵyndy óteýge qosymsha qarajat kerek - Saparhan Omarov
«Qus tumaýynyń taralýy mysalynda, jedel karantınge qoıý ári ınfektsııa oshaǵynan janýarlar men ónimderdi ákelýge jáne áketýge tyıym salýdy engizý máselesi óte mańyzdy bolyp tur. Búginde jergilikti atqarýshy organdar ákiminiń qaýlylaryn kelisý, bekitý jáne kúshine engizý 5 kúnnen 15 kúnge deıin ýaqytty alady. Eń jyldam degende 3 jumys kúnin quraıdy. Bul jaǵdaı ınfektsııa oshaǵyn oqshaýlaý jáne onyń jaqyn ornalasqan aýmaqtarǵa taralýyn boldyrmaý boıynsha jedel sharalardy ýaqytynda qabyldaýǵa, atap aıtqanda karantın qoıýǵa jáne ınfektsııa oshaqtaryn toqtatýǵa múmkindik bermeıdi», - dedi mınıstr Úkimet otyrysynda.
Osy oraıda S. Omarov karantınge qoıý jáne shekteý isharalary týraly sheshimdi bekitý men tirkeý merzimin 1 kúnge deıin qysqartý qajettigin aıtty.
«Joǵary patogendi qus tumaýy saldarynan alynǵan jáne joıylǵan qustardyń qunyn óteý úshin respýblıkalyq bıýdjetten qosymsha qarajat bólý múmkindigin qarastyrý kerek. Sonymen qatar, veterınarııalyq jáne fıtosanıtarııalyq qadaǵalaýdyń ulttyq júıesin qurýǵa respýblıkalyq bıýdjetten 3 mlrd teńge bólinýin suraımyz», - dedi mınıstr.
Onyń sózine qaraǵanda, ákelinip jatqan ónimge jedel den qoıý jáne tıimdi baqylaý men qadaǵalaý maqsatynda Reseı Federatsııasy sııaqty shekaralyq beketterdiń týra mańynan veterınarııalyq jáne fıtosanıtarııalyq baqylaý beketterin ornalastyrý qajet.
Budan buryn habarlanǵandaı, Úkimet otyrysynda Premer-Mınıstr Asqar Mamın Aýyl sharýashylyǵy mınıstrligi múddeli memlekettik organdarmen birlesip, tıimdi baqylaýdy uıymdastyrý úshin veterınarııalyq jáne fıtosanıtarııalyq qadaǵalaý ulttyq júıesin damytý qajet ekenin aıtty.
Aýyl sharýashylyǵy jáne ádilet mınıstrlikteri múddeli memlekettik organdarmen birlesip, jergilikti atqarýshy organdardyń karantındi ári shekteý is-sharalaryn belgileý jáne alyp tastaý jónindegi sheshimderin ádilet organdarynda tirkeý rásimin jeńildetsin», - dedi Premer-Mınıstr.
Aıta keteıik, patogendi qus tumaýynan 873,9 myń qus qyryldy.
