Qus tumaýy: Qostanaı oblysynda 8 aýyl karantınge jabyldy
Baýyrjan Bekettiń aıtýynsha, osydan on kún buryn Veterınarııa boıynsha ulttyq referenttik ortalyǵy eldi mekenderde ólgen qustardyń patologııalyq materıaldaryn dıagnostıkalyq zertteýden ótkizdi. Sonyń nátıjeleri boıynsha oblys aýmaǵynda «joǵary patogendi qus tumaýy» dıagnozy qoıyldy.
«Osyǵan baılanysty veterınarlar ınfektsııa oshaqtarynda epızootologııalyq tekserý júrgizdi jáne aktilerin QR AShM veterınarııa basqarmasy oblystyq aýmaqtyq ınspektsııasyna usyndy. Qostanaı oblysynyń bas memlekettik veterınarııalyq-sanıtarııalyq ınspektorynyń usynysy boıynsha Meńdiqara aýdanynyń Krasnaıa Presnıa, Sarykól aýdanynyń Maıak, Taǵyl, Uzynkól aýdanynyń Sokol, Arqalyq qalasynyń Rodına, Fýrmanov, Altynsarın aýdanynyń Prıozernoe, Qarabalyq aýdanynyń Mıhaılov aýyldarynda karantın belgilendi. Atalǵan eldi mekenderdiń kireberisinde blok-beketter ornatyldy, qustar men qus sharýashylyǵy ónimderin shyǵarý toqtatyldy. Infektsııa oshaqtarynda órteý, úı-jaılardy dezınfektsııalaý jolymen ólgen qustardyń ólekselerin joıý boıynsha is-sharalar júrgizildi. Epızootııaǵa qarsy jáne epıdemııaǵa qarsy is-sharalardy uıymdastyrýdy úılestirý úshin oblystyq Tótenshe jaǵdaılar departamenti janynan ahýal ortalyǵy quryldy», - dedi Baýyrjan Beket.
Respýblıkalyq qordan qus tumaýyna qarsy vaktsınanyń 366218 danasy kelip tústi. Qustardy vaktsınatsııalaý eldi mekenderden 25 kılometr radıýsta býferlik aımaqta jalǵasady.
«Oblys boıynsha egilgen qustardyń jalpy sany 429 801 basty quraıdy. BAQ, ınternet-resýrstar arqyly halyq arasynda profılaktıkalyq is-sharalar, qunyn óteý máseleleri boıynsha túsindirý jumystary júrgiziledi. Oblystyń jergilikti atqarýshy organy qus tumaýyn turaqtandyrý jáne odan ári taralýyn boldyrmaý jóninde barlyq qajetti sharalardy qabyldaýda», - dep túsindirdi basqarma basshysynyń orynbasary.
