Qus tumaýy kezinde jabylyp qalǵan Arqalyq fabrıkasynyń jumysy jandandy
Buǵan deıin habarlaǵanymyzdaı, Arqalyq qalasyndaǵy qala quraýshy kásiporyn «Agroınterqus» JShS jumysyn ýaqytsha toqtatqan bolaty n. Onyń toqtap qalýyna qus tumaýy sebep boldy. Kásiporynnyń qyzmetin qaıta jalǵastyrý úshin kemi bir jyl qajet bolǵan.
Alaıda oblys ákiminiń aıtqandaı, Arqalyq qus fabrıkasynyń qyzmeti qaıta jandandy.
«Qus tumaýyna qarsy veterınarııalyq joıý is-sharalary ýaqytyly júrgizildi. Fabrıkaǵa jańadan balapandar ákelindi. Jaqyn arada dúkenderde Arqalyqtyń sapaly jáne qoljetimdi jumyrtqasy paıda bolady. Buǵan ýáde etemin. Jalpy qus fabrıkasyn jańǵyrtý jáne mal sharýashylyǵy keshenin salý boıynsha AÓK salasynda 2 jobany qolǵa alyp otyrmyz. Qostanaı aýdanynda qýaty jylyna 2 myń tonnaǵa deıin broıler etin óndiretin agroónerkásiptik keshen iske qosyldy», - dedi Arhımed Muhambetov halyqqa esep berý kezdesýinde.
Aıta keteıik, Arqalyqtaǵy qus fabrıkasy 1970 jyldan beri jumys istep keledi. 1992 jyly onyń toqtatylyp, 2008 jyly qaıta ashyldy. «Agroınterqus» kásipornynda 220 adamǵa jumys istep kelgen. Fabrıka jylyna 120 mln dana jumyrtqa óndirip, naryqqa shyǵaryp otyrdy.
Jalpy Qostanaı oblysynyń kásipkerlikti qoldaý kartasyna jalpy somasy 230 mlrd teńge bolatyn 18 joba engizildi. Nátıjesinde 2,2 myńnan astam jumys oryny ashylady.
