Qus tumaýy indeti Italııada, Germanııada jáne Nıderlandyda anyqtaldy
BRıÝSSELЬ. QazAqparat - Dúnıejúzilik densaýlyq saqtaý uıymy joǵary patogendi H5N8 qus tumaýy vırýsynyń indeti tabylǵanyn habarlady. Bul aýrý Italııanyń soltústik-shyǵysyndaǵy kúrketaýyq fermasynan, Germanııanyń Tómengi Saksonııadaǵy qus fermasynan tabylǵan. Sonymen birge Nıderlandyda eki oqıǵa tirkeldi.
Qazirge deıin H5N8 tumaýyn adamdardyń juqtyrǵany týraly málimetter habarlanǵan joq. DDSU pkirinshe, halyq arasynda vırýstiń taralý qaýpi kóp emes. Degenmen, mamandar tıisti aldyn alý sharalaryn qolǵa alýǵa kiristi, óıtkeni, qus tumaýynyń keıbir túri adamdarǵa juǵýy múmkin.
Eýropa aımaǵynda H5N8 vırýsy joǵary patogendi bolyp sanalady, óıtkeni ol úı qustarynyń aýrýǵa shaldyǵýyna jáne qyrylýyna ákep soǵady. Alaıda jaqsy pisirilgen taýyq etinen qaýip joq.
H5N8 vırýsy alǵash ret 1983 jyly Irlandııadvaǵy úı qustarynan tabyldy, sodan beri Qurama Shtattary men Azııada oqtyn-oqtyn belgi berip turdy. Vırýstyń jańarǵan túri 2010 jyly Ońtústik Azııada úı qustarynyń eleýli indetin týǵyzdy, Qytaı men Ońtústik Koreıadaǵy úı qustarynan da baıqaldy.
