Qus tumaýy adamǵa juǵa ma – mınıstr jaýaby

NUR-SULTAN. QazAqparat – Ortalyq kommýnıkatsııalar qyzmeti alańynda ótken onlaın brıfıngide QR Densaýlyq saqtaý mınıstri Alekseı Tsoı elimizde qus tumaýyn juqtyrǵan adamdar bar-joǵy týraly aıtty, dep habarlaıdy QazAqparat tilshisi.

«Qus tumaýy adamǵa juqpaıdy, sol sebepti elimizde mundaı jaǵdaılar anyqtalǵan joq. Bul aýrý qustardan adamdarǵa múldem taramaıdy», - deıdi QR Densaýlyq saqtaý mınıstri Alekseı Tsoı.

Ol qus tumaýy adamdarǵa qaýip tóndirmeıtinin, oǵan qatysty ýaıymdaýdyń qajeti joq ekenin aıtty. Bul vırýs álemde burynnan beri bar jáne qustan adamǵa juǵý qaýpi joq.