Qus fabrıkasynda jarty mıllıon balapan janyp ketti
ASTANA. QazAqparat - Kýrs oblysyndaǵy qus fabrıkasynda bolǵan órt saldarynan 500 myńnan astam balapan janyp ketti.
Bul týraly "Interfaks" quqyq qorǵaý organdaryndaǵy derekózge silteme jasap habarlady.
Órt juma kúni Gorshechensk aýdanyndaǵy Beketov kentinde ornalasqan "Kýrsk agroholdıngi" №1 kompanııasynyń qus fabrıkasynda bolǵan.
Aldyn ala boljamdarǵa qaraǵanda, órt elektr symdarynyń tuıyqtalýynan oryn alǵan. Jalyn tili qus fabrıkasynyń eki korpýsyn, shamamen úsh myń sharshy metr aýmaqty sharpydy. Órt sóndirýshiler úsh saǵattyń ishinde tilsiz jaýdy aýyzdyqtady. Keltirilgen shyǵyndar aldyn ala esepteýler boıynsha 460 mıllıon rýblden asady.
