Qurylysy bitpegen ǵımarattyń tóbesinde otyrǵan almatylyq jasóspirimder polıtsııaǵa jetkizildi
Almatyda Abaı jáne Tilendıev kósheleri qıylysyndaǵy qurylysy aıaqtalmaǵan bıik ǵımarattyń ústinde alańsyz otyrǵan eki jasóspirimniń vıdeosy ınternette tarady.
Jeli qoldanýshylary vıdeo astyna «ata-analary qaıda qarap otyr?», «bul ǵımarattyń osylaı qaraýsyz, salynbaı turǵanyna qansha jyl boldy, ony birjaqty etetin mezgil jetti», «jastar selfı jasap jatyr», «ótken jyly bul jerden jas adam sekirip ketip, qaza tapty» degen pikirler qaldyrdy.
Almaty qalalyq polıtsııa departamenti jasóspirimderdi anyqtap, polıtsııa basqarmasyna jetkizgenin habarlady.
«ıÝvenaldy polıtsııa bóliminiń ınspektorlary jasóspirimderdiń kim ekenin anyqtap, olardy Almaly aýdanynyń polıtsııa basqarmasyna apardy. Olardyń ata-anasy da shaqyryldy. Olarǵa quqyqtyq túsindirý jumystary júrgizildi», - dep habarlady polıtsııa.
Eske salaıyq, QR Indýstrııa jáne ınfraqurylymdyq damý mınıstrligi aldaǵy alty jylda 50 problemalyq turǵyn úıdiń qurylysy aıaqtalyp, óńirlerde 1 500 apatty jáne tozyǵy jetken úılerdi buzý, 40 myń menshik ıesiniń turǵyn úı máselelerin sheshý jónindegi óńirlik baǵdarlamalar qabyldanatynyn málimdegen bolatyn.
