Qurylysy aıaqtalmaǵan úıin araq shyǵaratyn qupııa orynǵa aınaldyrǵan
ASTANA. qAzAqparat - Ekibastuzda tártip saqshylary qurylysy aıaqtalmaǵan úıden alkogoldik ishimdik quıylǵan úsh myńǵa jýyq shólmek tapty.
Onyń 279 bótelkesinde aktsızdik markalar bolmaǵan, dep habarlaıdy pavlodarnews.kz.
Oblystyq ІІD baspasóz qyzmetiniń málimetinshe, zańsyz taýar tárkilengen úı 56 jastaǵy turǵynǵa tıesili. Budan basqa, qurylys ornynan quıǵysh, maıtútik, qabyqsha, sý qaınatatyn qural tabylǵan. Zańsyz kásipkerlikpen aınalysý faktisi boıynsha atalǵan er adamǵa qatysty QR QK-niń 214-babyna sáıkes sotqa deıingi tergeý júrgizilýde.
«Naýryz merekesi qarsańynda oblys turǵyny tizgindegen «Foltsvagen» avtokóliginen tıisti qujattary joq, qoldan jasalǵan 200 shólmek tabyldy. Sonymen qatar, «Aqjol» baqylaý pýnktinde «Lada 2121» kóligimen qujattarsyz 40 shólmek spırt (200 lıtr) tasyǵan 53 jastaǵy pavlodarlyq ustaldy. Olardyń barlyǵy ákimshilik jaýapkershilikke tartyldy», - dedi baspasóz qyzmetinde.
Aıta keteıik, oblys aýmaǵynda alkogoldik ónimdi satatyn 106 dúken táýlik boıy jumys isteıdi. Spırttik ishimdikterdi zańsyz saýdalaý boıynsha 83 satýshy ákimshilik jaýapkerlikke tartylǵan.
