Qurylysy 7 jyl toqtap turǵan onkologııalyq dıspanser qaıta salynyp jatyr
AQTAÝ. QazAqparat - Aqtaýdaǵy onkologııalyq dıspanser qurylysy qaıta jandandy, dep xabarlaıdy QazAqparat tilshisi.
Qurylysy 2008 jyly bastalǵan onkologııalyq dıspanserdiń bıýdjeti tym qymbatqa baǵalanyp, memlekettik qarjyny yqshamdaý baǵdarlamasyna sáıkes, 2011 jyly toqtaǵan bolatyn. Endi, mine araǵa jeti jyl salyp, nysan qurylysy jalǵasýda. Joba qarajatyn jer qoınaýyn ıgerýshi kompanııa kóterip otyr.
Halyqaralyq talapqa saı ǵımarat qurylysy 2019 jyldyń sońynda aıaqtalady. Nysan 6 qabattan turady. Kúndizgi em-sharadan bastap, hımııa, sáýle terapııasy, hırýrgııa bólimderi bolady. Joba quny - 7 mlrd 309 mln teńge.
«Bul qarjynyń ishinde qurylystan bastap, medıtsınalyq qural-jabdyqtarǵa deıin - barlyǵy qarastyrylǵan. Qarjylandyryp otyrǵan - «NKOK» kompanııasy. Tek qana onkologııa salasynda emes, basqa salalarda da dıognostıkalyq, basqa da emdeý sharalaryn júrgizetin úlken bir ortalyq bolady degen senimdemiz. Kúndizgi statsıonardan basqa, 100 tósekti oryn bolady. Sáýlemen emdeý dıgnostıkalaý ortalyǵy jumys isteıdi»,-deıdi oblystyq onkologııalyq dıspanserdiń dırektory Nurlan Jarıev.
