Qurylysy 60 jylǵa sozylǵan aýrýhana paıdalanýǵa berildi
ASTANA. QazAqparat - Kongo Demokratııalyq Respýblıkasynyń Prezıdenti Jozef Kabıla el astanasy Kınshasede 60 jyl boıy salynǵan aýrýhanany ashty.
KDR-diń Densaýlyq saqtaý mınıstri Felıks Nýmbıdiń sózine qaraǵanda, aýrýhana zamanýı tehnologııalarmen, tyń qurylǵylarmen jabdyqtalǵan.
Aıta keterligi, densaýlyq saqtaý nysanynyń qurylysy 1954 jyly bastalǵan edi. Alaıda, atalǵan el 1960 jyly Belgııadan táýelsizdigin alǵannan keıin onyń qurylysy turalap qalǵan. Araǵa 60 jyl salyp qana nysandaǵy qurylys jumystary qaıta jandandy. Úsh jyl buryn aýrýhanany qytaılyqtar paıdalanýǵa bergenimen, biraq ondaǵy qural-jabdyqtar jasaqtalmaýyna jáne mamandar tapshylyǵyna baılanasty jumysy toqtap turdy, dep jazady VVS. Kongo memleketi paıdaly qazbalar men ózge de resýrstarǵa baı bolǵanymen, halyqtyń úshten eki bóligi kúnine eki dollar kólemindegi qarjymen kúneltýde.
