Qurylystyń smetalyq qunyn aıqyndaýdyń jańa tásili boıynsha 414 joba ázirlendi

ASTANA. QazAqparat - Elimizde qurylystyń smetalyq qunyn aıqyndaýdyń jańa resýrstyq tásili boıynsha 414 joba jasaldy. Bul týraly Qurylystaǵy baǵa qalyptastyrý ortalyǵynyń dırektory Baýyrjan Januzaqov jýrnalısterge bergen suhbatynda málim etti.

Baýyrjan Januzaqovtyń aıtýynsha, atalǵan jobalardyń ishinde 287-i oń eksperttik qorytyndyǵa ıe bolǵan. Al qalǵan 127 joba qaralý ústinde. Aıta keterligi, elimizdegi memlekettik kásiporyndardyń barlyǵy qurylystaǵy smetalyq qundy aıqyndaýdyń jańa tásili boıynsha jumys isteýi shart.

«Resýrstyq tásilmen aıqyndalatyn kez kelgen qujat tek qana memlekettik ınvestıtsııalar esebinen salynatyn nysandar jáne kvazımemlekettik sektor sýbektilerine qatysty bolyp tabylady. ıAǵnı, barlyq ulttyq kompanııalarǵ sonyń ishinde jarǵylyq kapıtalynda memlekettik úlesi bar munaıgaz sektorynyń kompanııalary da qurylystar barysyn jańa tásildi paıdalana otyryp esepteýleri kerek», - dedi Ortalyq dırektory.

Onyń aıtýynsha, qazirgi kúni qurylys salasyn resýrstyq tálisge kóshirý úshin arnaıy kýrstar uıymdastyrylǵan. Ol kýrstarda jobalaý uıymdarynyń 1190 mamany oqyp, attestatsııadan ótti. Sonymen birge, 5 113 paıdalanýshy elektrondyq qoltańbalar arqyly resýrs tyq tásildiń smetalyq baǵdarlamalarynyń eseptik nusqasyn kóshirip alǵan.

Aıta keteıik, qurylystaǵy smetalyq qundy aıqyndaýdyń resýrstyq tásáline Qazaqstan 2015 jyldyń shildesinen bastap kóship keledi. Buǵan deıin qurylystaǵy baǵa bazalyq-ındekstik tásilmen 2001 jylǵy baǵalar deńgeıinde aıqfndalyp kelgen edi. Eske sala keteıik, qurylystaǵy resýrstyq tásilmen smetalyq qundy aıqyndaý ekonomıkalyq damyǵan elderdiń tájirıbesin eskere otyryp, «100 naqty qadam» Ult josparynyń 48-i qadamyn júzege asyrý barysynda engizilip otyr.