Qurylysshylar ustap alǵan pedofıl qamaýǵa alyndy - Astana
ASTANA. QazAqparat - Astana qalalyq ishki ister departamenti qurylysshylar ustap alǵan pedofılge qandaı shara qolanylǵanyn málim etti, dep habarlaıdy QazAqparat.
«Qolǵa túsken adamǵa qatysty sot sanktsııasymen qamaýda ustaý túrindegi bultartpaý sharasy belgilendi», - dedi qalalyq ishki ister departamentiniń baspasóz qyzmetinen.
Esterińizge sal ketsek, kúdikti 4 mamyr kúni kishkentaı qyzdy zorlamaq bolǵan kezinde qolǵa túsken edi. Ol elordanyń jańa temirjol vokzaly aýmaǵynda qyzdy aldap qamys arasyna alyp barǵan. Sol jerde kishkentaı qyzdy sheshindirip, zorlamaq bolǵan. Bul jaıtqa tosynnan kýá bolǵan qurylysshy jigitter pedofıldi ustap alyp, polıtsııa qolyna tabys etken.
Qurylysshylardyń bul áreketi áleýmettik jeli qoldanýshylary arasynda keńinen talqylandy. Olar tipti kishkentaı qyzdy pedofıldiń qorlyǵynan qutqaryp qalǵan qurylysshylardy memlekettik nagradaǵa usyný qajet degen pikirlerin de bildirdi.
