Qurylysshylar kúni aıasynda elordada merekelik shara ótti
ASTANA. QazAqparat - Jyl saıyn tamyzdyń ekinshi jeksenbisinde elimizde Qurylysshylar kúni atap ótiledi. Bul kásibı merekeniń tarıhy jarty ǵasyrdan astam ýaqytqa sozylady.
Bul týraly Astana qalasy ákimdiginiń resmı saıty habarlady.
Búgin «Araı» saıabaǵynda qalanyń Jastar saıasaty máseleleri basqarmasynyń uıymdastyrýymen dástúrli túrde sporttyq merekelik shara ótti. Merekege stýdenttik qurylys otrıadtary men jetekshi qurylys kompanııalarynyń 50-ge tarta ókili qatysty. Merekede barlyq qatysýshylar fýtbol, qol kúres, arqan tartys, gir kóterý jáne taǵy basqa sport túrlerinen saıysqa tústi.
Sporttyq sharanyń sońyna qaraı barlyq qatysýshylarǵa alǵys hattar men syılyqtar tabystaldy. Qatysýshylardy marapattaýdan keıin «Araı» saıabaǵynyń sahnasynda merekelik kontsert ótti.
