Qurylysshylar qaýymdastyǵy turǵyn úı baǵasynyń ósýi týraly pikir bildirdi

NUR-SULTAN. QazAqparat – Qazaqstan qurylysshylary qaýymdastyǵynyń tóraǵasy Vıktor Mıkrıýkov turǵyn úı baǵasynyń ósý úrdisi týraly pikir bildirdi, dep habarlaıdy QazAqparat.

«Kóptegen adamdar turǵyn úı baǵasy tómendeıdi dep aıtyp júr. 2020 jyldan bastap biz baǵanyń turaqty túrde óskenin kórip otyrmyz. Bul trendter ártúrli baǵyttarǵa yqpal etedi. Osyndaı negizgi trendterdiń biri – qurylys materıaldarynyń baǵasy. Ekinshisi, memlekettik organdardyń, ákimdikterdiń sheshimi. Shartty túrde, elorda men Almaty ákimdigi qurylys kólemin tómendetýdi uıǵarsa, ol birden baǵaǵa áser etedi. Úı salýshylar shyǵyndardy baǵany arttyrý arqyly óteıdi. Bul logıkalyq mehanızm. Qurylys salasyndaǵy baǵa belgileý men retteý tásilderi neǵurlym jumsaq bolýy tıis jáne bıznes pen memleket kollaboratsııasynda talqylanýy qajet», - dep túsindirdi Vıktor Mıkrıýkov elordada ótken konferentsııada.

Buǵan deıin Vıktor Mıkrıýkov ıpotekalyq kredıtteý naryǵyndaǵy jaǵdaı týraly aıtyp bergen edi.

Spıkerdiń aıtýynsha, ıpotekalyq baǵdarlamalardyń jabylýyna baılanysty naryqta satylymnyń tómendeýi baıqalady.