Qurylysqa arnalǵan ónim óndirisinde otandyq úles 67% ulǵaıdy
Bıylǵy qańtar-mamyr aralyǵynda Qazaqstannyń qurylys materıaldary naryǵynda aıtarlyqtaı ózgeris baıqalady. Naryqtaǵy qarajat aınalymy 606,6 mlrd teńgege jetip, otandyq taýar óndirýshilerdiń úlesi 67%-ǵa deıin ulǵaıdy. Bul 2022 jyldaǵy kórsetkishpen salystyrǵanda 5%-ǵa kóp. Osy rette ımporttyq ónimniń úlesi 33%-ǵa deıin azaıǵanyn aıta keteıik.
Qurylysqa arnalǵan ónim óndirisiniń artýy otqa tózimdi buıymdar (+6,4% - dan 112 myń tonnaǵa deıin), keramıkalyq (otqa tózimsiz)kirpishter (+37,6% - dan 816 myń tekshe metrge deıin), sılıkat jáne qoj kirpishteri (+3,8% - dan 454 myń tonnaǵa deıin), qurylys eritindileri (+8,7% - dan 718% - ǵa deıin) syndy taýarlar mentabaq shyny (7,1 mlrd teńge), tsementten, betonnan nemese jasandy tastan jasalǵan plıtkalar, kirpishter jáne uqsas buıymdardyń (+6,5% - dan 2,2 mln tonnaǵa deıin) ósimine baılanysty tirkeldi.
Sondaı-aq óndiris qarqynyna qurylys jumystarynyń ulǵaıýy áser etti. Qańtar-mamyr aılarynda onyń kórsetkishi 12,1%-ǵa asty. Bulbirinshi kezekte ǵımarattar (+17,9%) men qurylys nysandaryn (+14,7%) salý men jóndeýge baılanysty. Qurylys-montaj jumystarynyń aqshalaı kólemdegi máni 1 312,9 mlrd teńgege jetti. Sonymen qatar paıdalanýǵa berilgen turǵyn úıdiń jalpy aýdany 15,4%-ǵa ósti (5 470,3 myń sharshy metr).
Aıta ketý kerek, OTÓ-diń serpindi jumysyqurylys materıaldary salasyndaǵy jalpy óndiris kóleminiń 16%-ǵa ósýine áser etip, qarajat mólsheri 451,5 mlrd teńgege jetti. Sonymen birge qazaqstandyq úlestiń aıtarlyqtaı nyǵaıýy eksport kóleminiń 44%-ǵa artýyna jaǵymdy áser etkenin atap ótken jón.
Máselen, Ózbekstanǵa (6 108,5 tonnaǵa deıin) jáne Tájikstanǵa (2 396,7 tonnaǵa deıin) tabaq shyny (8,5 myń tonnaǵa deıin), qubyrlar, tútikter men qubyrshekter (shlang), sondaı-aq otqa tózimdi tsementter, qurylys eritindileri (13 tonnaǵa deıin myń tonna) tasymaldanǵan.
