Qurylys jumystaryn júrgizý kezinde 14 jastaǵy jasóspirim jaraqat alyp, oqıǵa ornynda kóz jumdy - QR TJM
ASTANA. 21 tamyz. QazAqparat - Jambyl oblysynda seısenbi kúni sońy ólimmen aıaqtalǵan eki qaıǵyly oqıǵa boldy, dep habarlady QR TJM.
Taraz qalasynda kúndiz káriz qubyryn tóseý kezinde «Taraz-Sý» MKK 35 jastaǵy jumysshysyn topyraq basyp qaldy, alǵan jaraqattardan ol oqıǵa ornynda jan tapsyrdy.
Sonymen qatar, Tarazdaǵy «Modýl E-2030» JShS quıý tsehynda qurylys jumystaryn júrgizý kezinde 14 jastaǵy jasóspirim elektr jaraqatyn alyp, oqıǵa ornynda mert boldy. Toq soqqan kezde kúıik alǵan eki er adam aýrýhanaǵa jatqyzyldy.
Keleńsiz oqıǵa Astanadaǵy kásiporynda da oryn aldy. Óndiristik jumys júgizý kezinde «Órken» JShS 19 jastaǵy jumysshysy jaraqattanyp, aýrýhanaǵa jatqyzyldy.
