Qurylys jumystaryn sapasyz júrgizgen 3 kompanııa lıtsenzııasynan aıyryldy
ASTANA. QazAqparat - Astana ákimi Áset Isekeshevtiń tapsyrmasymen nysandardaǵy qurylys jumystaryn sapasyz júrgizgeni úshin 3 kompanııany qurylys -montaj jumystaryn júrgizetin lıtsenzııasynan aıyrdy. Bul týraly qala ákimdigigiń resmı saıty habarlaıdy.
Onyń ishinde «Expolis Invest VM» JOO (Royal EXPO Apartments TK), «Astana Trade International» JShS (Premera 2 jáne Premera 4 TK) jáne «ABK Qurylys» JShS (F2 jabyq shatyr men EHRO S1 pavılony) - Joǵarǵy sottyń qaraýynda jatyr. «Astana Treıd» JShS (Olımp Palas TK) qatysty lıtsenzııasynan aıyrý týraly materıal sotqa joldandy.
Esterińizge sala keteıik, qazir úkimette obektini paıdalanýdy berýde qabyldaýdyń ońaılatylǵan Doing Business saıasaty júrgizýlýde. Alaıda, keıbir avtorlyq jáne tehnıkalyq qadaǵalaýdy júzege asyratyn jekemenshik uıymdar ózderiniń mindetin jaýapsyz atqarýda. Osyǵan baılanysty qurylys sapasy jónindegi otyrysta Áset Isekeshev qurylys kompanııalarynyń attestattary men lıtsenzııasynan, sondaı-aq, nysandy paıdalanýdy qabyldaý kezinde birneshe ret qatelik jibergen avtorlyq jáne tehnıkalyq qadaǵalaý ókilderin de lıtsenzııadan aıyrýdy tapsyrdy. Qadaǵalaý sýbektilerine qatysty jeke jáne zańdy tulǵalardyń shaǵymyna súıene otyryp, jyl basynan revızııa taǵaıyndaý týraly 543 akti tirkeldi, onyń qazir 187-si tekserilýde.
Qalalyq orta sapasy jáne baqylaý basqarmasy 441 buzýshylyqty retke keltirý týraly uıǵarym shyǵardy, onda 406 sýbektige qatysty ákimshilik iste buzýshylyqty joıýdy talap etken. Budan bólek basqarmanyń qaýlysymen nysandaǵy qurylys barysynda óziniń qyzmetin tıisti paıdalanbaǵan 9 tehnıkalyq qadaǵalaý sarapshysynyń attestaty toqtatyldy: E. Meıramǵalıev, B. Kenjebekov, S. Baıkenov, G. Júsipova, S. Bonomanko, S. Gershkýl, B. Jarkenov, E. Erjıgıtov, T. Qazbekov. Budan basqa basqarmanyń materıaldaryna súıenip sot óz erkimen salǵan 4 nysandy súrip tastaýǵa sheshim shyǵardy. Aımaýytov k, 5/5 mekenjaıda ornalasqan úshinshi qabattaǵy mansard pen jataqhana retindegi múlik nysanynyń birinshi jáne ekinshi qabatyn paıdalaný toqtatyldy. Shubar móltekaýdanyndaǵy tórt qabatty ǵımarat pen «BI Village» kottedj qalashyǵyna qatysty úılerdiń biri men Aqjol kóshesindegi eki qabatty ǵımarat toqtatyldy.
Astana ákimdigi elorda turǵyndaryn ózine jáne aınalasyna qaýip keltiretin talapqa saı emes nysandar salmaýǵa shaqyrady.
