Qurylys zattaryn satyp alýǵa ketken qyzylordalyq joǵalyp ketti

QYZYLORDA. QazAqparat - Qyzylorda qalasynda úıinen qurylys zattaryn alyp kelýge shyqqan jigit 6 kúnnen beri habarsyz ketti, dep habarlaıdy QazAqparat tilshisi.

Qyzylordada 24 naýryzda 17:00 shamasynda Qambar Qurmanálıev úıinen saýda ortalyǵyna qurylys zattaryn alyp kelýge shyqqan. Sodan beri úıine qaıta oralǵan joq.

«Erekshe belgileri: boıy: 1,70-1,75 sm, tolyq deneli, shashy qara tústi, aqquba kelgen,oń jaq betinde kishkentaı meńi bar. Ústine kıgen kıimderi: qara tústi kúzdik kýrtka, qara tústi shalbar, qara tústi krossovka kıgen. Qandaı da bir aqparat nemese júrgen jeri týraly málimet bilgen jaǵdaıda 8(7242)-29-75-20 nemese 102 arnasyna qońyraý soǵýlaryńyzdy suraımyz», - dep jazylǵan Qyzylorda qalalyq polıtsııa basqarmasy taratqan habarlamada.

Eske salsaq, budan buryn Qyzylordada joǵalǵan 17 jastaǵy qyz Almatydan tabyldy.