Qurylys sektorynda 637 myńnan astam adam jumys istep júr
«Áleýmettik ál-aýqat turǵyn úı máselesimen tyǵyz baılanysty, ony sheshý memlekettiń birinshi kezektegi mindeti bolyp otyr. Sonymen qatar, áleýmettik máselelerdi sheshe otyryp, turǵyn úı qurylysy salasy Qazaqstannyń ekonomıkalyq ósýindegi draıverlerdiń birine aınalyp keledi. Búginde qurylys sektorynda 637 myńnan astam adam jumys isteıdi. Bul el ekonomıkasynyń naqty sektoryndaǵy barlyq jumyspen qamtylǵandardyń shamamen 17,5 paıyzyn quraıdy», - dedi S. Shaıdarov Úkimet saǵatynda.
Onyń aıtýynsha, osy salada 50 myńnan astam kompanııa qyzmet atqarady, bul - ekonomıkanyń naqty sektoryndaǵy kásiporyndardyń jalpy sanynyń 42 paıyzy.
«Sonymen qatar, turǵyn úı qurylysynyń belsendi damýy 2021 jyly 2,4 trln teńge ınvestıtsııalar tartýǵa múmkindik berdi, bul kórsetkish 2020 jylǵy deńgeıden 19,1 paıyzǵa artyq. Qalyptasqan úrdis jalpy ishki ónimdegi qurylystyń úlesi 6 paıyzdan astam deńgeıdi qurap, shıkizattyq emes sala úshin
eń mańyzdy baǵyttarynyń birine aınaldy. Baspana qurylysy - halyqtyń turǵyn úıge ǵana emes, jumys oryndaryna da qajettilikterin qamtamasyz ete otyryp, ekonomıka ósimi men iskerlik belsendilikti yntalandyratyn mýltıplıkatıvti áser etedi», - dedi senator.
