Qurylys sektoryna ınvestıtsııany eń kóp salǵan óńir - Atyraý oblysy
ASTANA. QazAqparat - Qazaqstanda jyl basynyn bastap shilde aıyna deıin negizgi kapıtalǵa salynǵan ınvestıtsııanyń mólsheri ótken jylǵy kórsetkishpen salystyrǵanda 1 trln 400 mlrd teńgege ósip, 5 trln 500 mlrd teńgeni quraǵan, dep habarlaıdy QazAqparat tilshisi Energyprom.kz aqparat kózine silteme jasap.
Tarqata aıtqanda, qurylys salasyna salynǵan ınvestıtsııa da ósip, onyń mólsheri 40 mlrd teńgege jetken. Bir jyl buryn bul kórsetkish 35 mlrd 200 mln teńgeni kórsetken bolatyn. Atalmysh dınamıka jyl saıyn saqtalyp keledi. Máselen, 2013 jyl men 2018 jyldar (qańtar-shilde) aralyǵynda qurylys sektoryna salynǵan ınvestıtsııa 39,8 paıyzǵa ósken.
Aımaqtardy salystyryp qaraǵanda, qurylys salasyna salynǵan negizgi ınvestıtsııa Atyraý oblysynda (30,1 paıyz) shoǵyrlanǵan. Ol jaqqa 40 mlrd teńge ınvestıtsııanyń 12,05 mlrd teńgesi tıesili.
Al Almaty qalasynda 2018 jyldyń qańtar-shilde aralyǵynda qurylys qajettiligine 6,4 mlrd teńge baǵyttalǵan. Aımaqtardyń úshtigin - 4,3 mlrd teńgelik kórsetkishpen Almaty oblysy túıindeıdi. Atalǵan aımaqtarǵa barlyq ınvestıtsııanyń 56,9 paıyzy nemespe 22,8 mlrd teńgesi tıesili bolyp otyr.
