Qurylys sektory árqashanda ekonomıkada jetekshi ról atqaryp kelgen jáne kez kelgen memlekette solaı bolyp qala beredi - Q.Omarov
Bul jóninde QR Parlamentiniń Senat depýtaty Qaısar Omarov «KazBuild Spring 2011» jáne «WinTec Expo Kazakhstan 2011» qurylys materıaldar kórmesiniń ashylý rásiminde aıtty.
«Dúnıejúzilik ekonomıkalyq daǵdarysqa qaramastan, bul kórmege 15 elden 157 kompanııa qatysýda. Onda Irannyń Saýda-ónerkásip palatasy birinshi ret qatysýda. Kórmege qatysýshylardyń basym bóligi qurylys materıaldaryn óndiretin kompanııalar bolýy qýantarlyq jaǵdaı. Sondaı-aq bul shara Qazaqstannyń barlyq salasynyń damýyna áserin tıgizeri sózsiz», -deıdi Q.Omarov.
«Iteca» qazaqstandyq kórme kompanııasynyń uıymdastyrýymen ótip jatqan kórmege Ázirbaıjan, Belarýs, Bolgarııa, Germanııa, Iran, Ispanııa, Qazaqstan, Qytaı, Polsha, Reseı, Taıland, Túrkııa, Ózbekstan, Ýkraına, Cheh respýblıkalary atynan barlyǵy 157 kompanııa qatysýda.
«Iteca» kompanııasynyń atqarýshy dırektory ıÝrıı Borodohınniń aıtýynsha, sharaǵa qatysýshylar tyń materıaldar men qyzmetter kórsetýge umtylýda. «Qatysýshy kompanııalardyń biri modýldi qurylys úshin shyny plastıkten jasalǵan panel men basqa da ınnovatsııalyq materıaldy usynýda», -deıdi ol.
Sondaı-aq kórme aıasynda qalalyq ortany kórkeıtý jáne onyń landshafty problemalaryna arnalǵan «Qalalyq ortanyń jańasha landshaftyq dızaıny» atty dóńgelek ústelder ótkiziledi.
Atalǵan sharaǵa QR Qurylys jáne turǵyn úı-kommýnaldyq sharýashylyǵy agenttigi men Almaty qalasynyń ákimshiligi qoldaý kórsetken.
