Qurylys salýshylardyń turǵyndar aldyndaǵy áleýmettik jaýapkershiligin kúsheıtý qajet
Búgin Májiliste «Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttiginiń 2011 jylǵy qyzmetiniń qorytyndylary jáne 2012 jylǵa arnalǵan mindetteri» degen taqyrypta ótken Úkimet saǵatynda depýtat Seıitsultan Áıimbetov osylaı málim etti.
«2010 jylmen salystyrǵanda, qurylystyń negizgi kórsetkishteri «keshegiden búgin jaqsy» degen prıntsıppen keltirilgen. Áıtse de, depýtattardy paıdalanýǵa berilip jatqan kóp páterli úılerdiń qurylysy ǵana emes, sapasy da alańdatady. Turǵyndardan bizge kelip túsip jatqan ótinish-hattarynyń basym bóligi turǵyn úı salýshylardyń «shalaǵaı isterine» qatysty bolyp otyr. Turǵyndar sapanyń nashar bolǵandyǵynan terezeni, esikterdi jáne taǵy basqalaryn aýystyrýǵa májbúr. Qurylys materıaldarynyń sapasy, qurylys barysyndaǵy kidirister, qurylys standarttarynyń buzylýy da syn kótermeıdi», - dedi depýtat S. Áıimbetov.
Osyǵan oraı depýtat qurylys salasynda jumys júrgizetin turǵyn úı salýshy sýbektilerdiń qurylysy júrip jatqan úıdiń turǵyndary aldyndaǵy áleýmettik jaýapkershiligin kúsheıtýi qajettigin atap ótti. «Agenttik óz kezeginde qurylys sýbektileriniń osy jumysty tııanaqty oryndaýyna áser etetin jaýapkershilik sharalaryn arttyrýy kerek», - dedi depýtat.
