Qurylys salýdyń biryńǵaı erejeleriniń jańa redaktsııadaǵy jobasy jasalyp jatyr - UKP
Ulttyq kásipkerler palatasy qurylys jáne TQSh komıtetiniń basshysy Aleksandr Belovıchtiń atap ótýinshe, qurylys salýdyń atalǵan erejesi Qazaqstannyń kúlli aýmaǵynda sáýlet, qala qurylysy jáne qurylys qyzmeti sýbektileriniń qoldanýyna mindetti biryńǵaı erejeler men talaptardy belgileıtin bolady.
«Ol qurylystaǵy barlyq protsedýralyq máselelerdi qamtıdy. Búgin tańda qalalarda jer telimderin bólý, aýmaqta qurylys júrgizý boıynsha ózderiniń túrli erejeleri bar. Ol erejelerdiń barlyǵy biryńǵaılandyrylsa, bunyń barlyǵy jeńil bolar edi, ákimshilik kedergiler de azaıady. Qurylys kólemi de artýy tıis», - deıdi ol búgin UKP ótken baspasóz máslıhatynda.
Mamannyń aıtýynsha, jobaǵa jekelegen erejelerin engizý birqatar zańnamalyq aktilerge sáıkes túzetýler jasaýdy talap etpek.
«Atap aıtqanda, QR Jer kodeksine, «Sáýlet, qala qurylysy jáne qurylys qyzmeti týraly» zańǵa túzetýler men tolyqtyrýlar engizilýi tıis bolady. Sonymen qatar, QR Ulttyq ekonomıka mınıstrliginiń birqatar buıryqtary da kúshin joıýǵa týra keledi», - dep atap ótti A. Belovıch. Daıyndalǵan ereje bıýrokratııalyq protsedýralardy azaıtýǵa, qurylys protsesiniń ashyqtyǵyn kóterýge, sybaılas jemqorlyq faktorlaryn boldyrmaýǵa yqpal etedi.
«Protsedýralar birneshe esege deıin azaıtylýy yqtımal. Naqty qansha paıyzǵa kemıtinin aıtý áli erte. Biraq qurylystaǵy ruqsat qaǵazdary eselep azaıady», - dep sózin qorytyndylady komıtet basshysy.