Qurylys salasynda zań buzýshylyqqa jol bergen 50-den astam laýazymdy tulǵa jaýapkershilikke tartyldy - Bas prokýratýra
ASTANA. 7 sáýir. QazAqparat /Jasulan Amanbaıuly/ - Qurylys salasynda zań buzýshylyqqa jol bergen 50-den astam laýazymdy tulǵa jaýapkershilikke tartyldy.
Bul týraly búgin Astanada ótken baspasóz máslıhatynda Bas prokýratýranyń resmı ókili Jandos Ómirálıev málim etti.
Bas prokýratýra bıýdjet qarajatyn paıdalaný kezinde jemqorlyq elementi retinde qurylys nysandarynyń qunyn negizsiz qymbattatý sebepterine qatysty taldaý jasap, anyqtalǵan zań buzýshylyqtar boıynsha QR Úkimetine usynys engizgen.
«Usynys jiti taldanǵannan keıin, «Memlekettik saraptama» respýblıkalyq memlekettik kásiporyn fılıaldarynyń 7 dırektory men orynbasarlary, Shý aýdanynyń ákimi jáne osy aýdannyń qurylys bóliminiń bastyǵy óz qyzmetterinen alyndy. Ońtústik Qazaqstan oblysynda qurylys salasynda jetekshilik etetin 6 qyzmetker jumys oryndaryn bosatty,-dedi J. Ómirálıev.
Resmı ókildiń aıtýynsha, jalpy respýblıka boıynsha, zań buzýshylyqqa jol bergen 50-den astam laýazym ıeleri tártiptik jaýapkershilikke tartylǵan.
Budan basqa, qurylys jumystaryn ýaqtyly oryndamaǵany úshin merdigerlerden 1 mıllıard 100 mln. teńge memleket paıdasyna óndirip alynǵan.
