Qurylys salasynda Saraptama uıymdarynyń palatasy iske kiristi

ASTANA. QazAqparat - Qurylys salasyndaǵy kásibı mamandardyń kóptegen talqylaýlary nátıjesinde Saraptama uıymdarynyń palatasy qurylyp, iske kiristi. Osyǵan oraı, «Memlekettik saraptama» memlekettik kásiporynynyń saraptamalarǵa qatysty jumystarynyń bir bóligi básekelestik ortaǵa beriletin bolady.

«Atameken» Ulttyq kásipkerler palatasy basqarma tóraǵasynyń orynbasary ıÝlııa ıAkýpbaevanyń aıtýynsha, Elbasynyń tapsyrmasyna sáıkes, 2020 jylǵa deıin qurylys salasyndaǵy jobalaý jáne jobalyq-smetalyq qujattardy saraptaý jumysynyń 90 paıyzy jekeshelik ortaǵa beriletin bolady.

«Byltyrǵy 2015 jyl boıyna osy baǵyttaǵy daıyndyq jumystary atqarylǵan bolatyn. Zańnamalyq ózgerister de jasaldy. Jeltoqsan aıynda ǵana zań kúshine endi. Degenmen, 2015 jyl boıy jekemenshik saraptamalar naryǵy toqtap qaldy. Akkredıtatsııadan ótip, palata qurylmaıynsha, kásipkerler shyǵynǵa batyp kelgen bolatyn. Endi palata tolyqqandy jumysqa kóship otyr», - dedi ıÝ. ıAkýpbaeva. Onyń aıtýynsha, búginge deıin qurylys salasyndaǵy saraptama jasaýshy uıym retinde 19 mekeme akkredıtatsııalanǵan.