Qurylys salasyna 1,5 mlrd. dollar quıyldy - Albert Raý

ASTANA. QazAqparat - Ótken besjyldyqta 200 jobaǵa 1,5 mlrd. dollar ınvestıtsııa salyndy. Bul týraly búgin qurylys salasynyń Birinshi Eýrazııalyq kongresinde QR Investıtsııalar jáne damý vıtse-mınıstri Albert Raý málim etti.

"Ótken besjyldyqta biz 200 jobaǵa 1,5 mlrd. dollar ınvestıtsııa quıdyq. Qurylys ındýstrııasyna ınvestıtsııalaıtyn adamdar óz elderiniń patrıottary, olar ulttyq ekonomıkanyń damýyna jáne óz ónimderi suranysqa ıe bolatynyna senedi", - dep atap ótti ol.

Vıtse-mınıstrdiń aıtýynsha, birinshi besjyldyqta jalpy 20 mlrd. dollar ınvestıtsııa salynǵan bolsa, onyń 1,5 mlrd. dollary qurylys salasyna baǵyttaldy. "Barlyq joldardy, metro jáne ózge de salalardy sanaǵanda - bul jaman kórsetkish emes. Ekinshi besjyldyqta 14 sektor anyqtaldy. Barlyǵy - 6 sala. Memleket basshysy atap kórsetkenindeı, onyń ishinde qurylys salasy úlken mańyzǵa ıe. Bizge jańa býyn ónimder qajet. Jasyl tehnologııalar qoldanylýy tıis", - deıdi A.Raý.

Birinshi besjyldyqta qurylys salasynyń damýy jaqsy qarqyn kórsetti. Ónerkásip óndirisi qarjy kólemi boıynsha 1,5 esege artty. Jalpy qosymsha qun kólemi 1,5 esege ósken. Qurylys salasyndaǵy otandyq materıaldardyń úlesi bıyl jyl sońyna deıin 74-75 paıyzǵa jetedi dep kútilýde.