Qurylys nysandaryna jetkiliksiz qarjy bólinýi onyń qymbattaýyna ákep soǵýy múmkin

Búgin QR Parlamenti Senatynyń jalpy otyrysynda Úkimet basshysynyń atyna saýal joldaǵan senator Bolat Jylqyshıev osylaı málim etti.

«Ońtústik Qazaqstan oblysyndaǵy Lenger qalasynyń sý júıeleri ábden tozyǵy jetken, sebebi olardyń iske qosylǵanyna 50-60 jyl bolǵan. Osy jaǵdaıdy eskere otyryp, Úkimet 2010 jyly respýblıkalyq bıýdjetten, qurylys jumystaryn bastaýǵa 260 mln. 479 myń teńge bólidi. Bıylǵy jyly respýblıkalyq bıýdjetten 39 mln. 744 myń teńge, oblystyq bıýdjetten 14 mln. 518 myń teńge, barlyǵy 54 mln. 262 myń teńge qaralyp otyr. Nysannyń mańyzdylyǵyn jáne nysan boıynsha bekitilgen smetalyq quny 3 mlrd. 473 mln. teńgeni quraıtynyn eskersek, 2011 jylǵa bólingen qarjynyń kólemi az, qordalanǵan máselelerdi sheshpeıdi», deıdi depýtat. Soǵan oraı B. Jylqyshıev jylda bólinetin qarjy kólemi az bolsa, nysannyń «saqaldy qurylysqa» aınalyp ketýine alańdaıdy. Bundaı másele qurylys qunynyń qymbattaýyna ákelip soǵýyn da alǵa tartady. «Nysan qurylysy qunynyń qymbattaýyna jol bermeý úshin 2011 jylǵa 800,0 mln teńgeniń bólinýine yqpal jasaýyńyzdy suraımyz»-, dedi senator.