Qurylys naryǵyn monopolııasyzdandyrý úshin keshendi is-sharalar toptamasy ázirlenedi
Onyń atap ótýinshe, qurylys salýshylar, benefıtsıarlar, kompanııalardyń menshik ıeleri, olardyń basqa uıymdarmen úlestestigi, turǵyn úıdi ótkizý kólemi, baǵalar, shyǵyndar, materıaldar men qyzmetterdi jetkizýshiler týraly aqparatty jarııa etýge nazar aýdara otyryp, turǵyn úıdiń úlestik qurylys zańnamasyna ózgerister engiziledi. Úlestik qurylysqa qatysýshylar arasyndaǵy jaýapkershiliktiń arajigi ajyratylyp, «birkúndik» kompanııa qurý tájirıbesine jáne bas kompanııalardyń jaýapkershilikten jaltarýyna tyıym salynady.
Úleskerlerdiń qarajatyn tartý tártibine jáne olardyń maqsatty paıdalanylýyna memlekettik baqylaý iske asyrylady. Arnaıy ekonomıkalyq aımaqtar aýmaǵyndaǵy qyzmet tizbesinen turǵyn jáne turǵyn emes nysandar qurylysy alynyp tastalady. Jer ýchaskelerin berýdiń jáne qurylys qyzmetterin memlekettik satyp alýdy ornalastyrýdyń konkýrstan tys tártibi joıylady. Úleskerler qarjylandyratyn jáne qosalqy merdigerlikke beriletin qurylys jumystarynyń kólemi shekteledi.
