Qurylys materıaldarynyń naryǵynda otandyq óndiristiń úlesi qandaı
«Bıyl 11 aıdyń qorytyndysynda qurylys materıaldary óndirisi 9,2 paıyzǵa ósip, 820,2 mlrd teńgeni qurady. Óńdeýshi ónerkásip qurylymynda sala úlesi shamamen 5,5 paıyzdy quraıdy. Salada 2 442 kásiporyn bar, olarda 26 myńǵa jýyq adam jumys isteıdi», - dedi B. Atamqulov Úkimet otyrysynda.
Onyń aıtýynsha, 2021 jyldyń birinshi jartyjyldyǵynda saladan el ekonomıkasyna 33,8 mlrd teńge salyq tústi. Bul ótken jylǵydan 1,3 ese joǵary kórsetkish.
«Jalpy qurylys materıaldarynyń ishki naryǵy 2,6 mlrd AQSh dollaryn quraıdy (2021 jyldyń 11 aıynyń qorytyndysy boıynsha). Onyń ishinde otandyq óndiris úlesi - 60% ($1,6 mlrd), ımport - 40% ($1 mlrd). Kórip otyrǵanymyzdaı, otandyq óndirýshiler ishki naryqtyń beton, tsement, qabyrǵa materıaldary sııaqty bazalyq qurylys materıaldaryna qajettiligin tolyq óteıdi. Barlyǵynda derlik qurylysta jáne jóndeý jumystarynda qazaqstandyq gıpsokarton men qurǵaq qurylys qospalary qoldanylady. Alaıda, árleý segmentiniń qosylǵan quny joǵary taýarlary ımportqa táýeldi bolyp otyr. Ádette, bul árleý materıaldary, tusqaǵazdar, lınoleým, jylý oqshaýlaǵysh materıaldar, sanfaıans jáne shyny buıymdary», - dedi mınıstr.
