Qurylys materıaldary naryǵyndaǵy ahýal qandaı

ASTANA. QazAqparat – Indýstrııa jáne ınfraqurylymdyq damý mınıstrligi elimizdiń qurylys materıaldary salasyndaǵy óndiriske qatysty málimettermen bólisti, dep habarlaıdy QazAqparat tilshisi.

«2023 jyldyń qańtar-maýsymynda qurylys materıaldary naryǵynyń kólemi 1 660,3 mln AQSh dollary (750,2 mlrd teńge) boldy», - delingen mınıstrliktiń agenttik saýalyna bergen jaýabynda.

Vedomstvonyń naqtylaýynsha, osy jyldyń 7 aıynda naqty mánde kelesi taýarlardyń óndiris kólemi artqan: órtke tózimdi buıymdar (+14,1%); órtke tózimdi emes keramıkalyq kirpish (+38,1%); slıkat jáne qoj kirpish (+1,3%); gıpsokarton (+0,3%); qurylysqa arnalǵan eritindi (+13,7%).

Sonymen qatar, mynadaı taýarlar óndirisiniń kólemi qysqarǵan: qaptamaǵa arnalǵan keramıkalyq kirpish (-2%); tsement klınker (-6,9%); portlandtsement (-4,5%); ezilgen, ezilmegen jáne ylqalda qataıatyn ák (-9,3%); gıps (-48,5%); qurylys maqsatyndaǵy beton buıymdar (-13,1%); tsementten, betonnan nemese jasandy tastan jasalǵan plıtka, kirpish pen balama buıymdar, (-5,4%); taýarlyq beton (-17,2%) jáne basqalary.