Qurylys materıaldary dep etıl spırtin tasyǵandar qolǵa tústi
TARAZ. QazAqparat - Avto tasymaldaýshynyń jol paraǵynda kórsetilgen qurylys zattarynyń orynyna iri kólemdegi etıl spırti tabylýyna baılanysty qylmystyq is qozǵaldy, dep habarlaıdy «QazAqparat» HAA tilshisi.
Oblystyq ІІD baspasóz qyzmeti habarlaǵandaı 12 aqpan kúni 10:00-de Shý qalasyndaǵy «Jeńis» saıabaǵynyń janynda aınalma joldy polıtseıler «Volvo-FH12» júk kóligin toqtatady. Júrgizýshiniń jol paraǵynda 16 tonna qurylys materıaly Petropavl qalasyna jóneltilgen dep jazylǵan, biraq júkti qabyldap alýshy zańda nemese jeke tulǵanyń naqty aty-jóni kórsetilmegen. Tekseris barysynda kólikten árqaısysy myń lıtrlik 20 plastık ydysqa quıylǵan aqshyl tústi suıyqtyq tabylǵan.
Bastapqy tekseris kezinde jalpy kólemi 20 tonnalyq suıyqtyq etıl spırti ekeni anyqtaldy. Onyń ústine tasymaldanyp bara jatqan júktiń eshqandaı ruqsat qujaty bolmaǵan.
Kólik júrgizýshisi 43 jastaǵy Jambyl oblysynyń turǵyny. Qazir atalǵan faktige baılanysty sot-hımııalyq sarptama taǵaıyndalyp, istiń mán-jaıy qaralý ústinde.
