Qurylys materıaldary 5 paıyzǵa qymbattady

ASTANA. QazAqparat - 2018 jyldyń naýryzynda qurylys salasyndaǵy baǵa 5 paıyzǵa jýyq shamada qymbattady. Bul týraly QR UEM Statıstıka komıtetiniń baspasóz qyzmetinen málim etti, dep habarlaıdy QazAqparat.

Vedomstvo taratqan aqparatqa sáıkes, aǵymdaǵy jyldyń naýryzynda ótken jylǵy jeltoqsanmen salystyrǵanda qurylystaǵy baǵa 4,9, qurylys-montaj jumystaryna  5, mashınalar men jabdyqtarǵa 4, ózge de jumystar men shyǵyndarǵa 5,8 paıyzǵa ósti.

Jyl basynan beri qurylys uıymdary satyp alǵan materıaldar, bólshekter jáne qurylymdardyń baǵasy 0,7 paıyzǵa qymbattady. Sonymen qatar I toqsanynda qurylys eritindileri 2,1, qum 1,6, jazyq ılek 1,2, qubyrlar  0,8, boıaýlar men emaldar  0,7, kirpish  0,5 paıyzǵa baǵasy kóterildi. Al ǵanysh karton 0,8, portlandtsement 0,5, qıyrshyq tas 0,4 paıyzǵa arzandady.