Qurylys kompanııasynyń dırektory Oral turǵynyn 21 mln teńgege aldap ketti

ASTANA. QazAqparat – Oraldyq turǵyndy 21 mln teńgege aldap ketken qurylys kompanııasynyń dırektory tergelip jatyr, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, atalǵan turǵyn qurylys kompanııasynyń dırektoryna taýnhaýstan úı alý úshin aldyn ala 21 mln teńgesin bergen.

«Aqyr-aıaǵynda aqshasy da joq, elıtalyq turǵyn úıge de qoly jetpegen. Osylaısha, kompanııa dırektory aldaý jolymen onyń 21 mln teńgesin ıemdenip ketken. Óziniń aqshasyn ala almaı ári úı salynbaǵan soń 53 jastaǵy tuǵyn polıtsııaǵa shaǵym túsirdi.

Qazirgi kezde QR QK 190-baby 3-bóligine (alaıaqtyq) sáıkes sotqa deıingi tergeý amaldary júrgizilýde. Kúdiktiden eshqaıda ketpeý týraly qolhat alyndy.

Jalpy, oblysta alaıaqtyq derekteri azaıar emes. Sondyqtan BQO polıtsııa departamenti turǵyndarǵa saq bolý qajettigin eske salady», dep habarlady vedomstvodan.