Qurylys kompanııasy úı salmaq bolǵan kósheni almatylyqtarǵa qaıtaryp berdi
ALMATY. QazAqparat – Almatyda qurylys kompanııasy turǵyn úı keshenin salǵysy kelgen kósheni turǵyndarǵa qaıtaryp berdi, dep habarlaıdy QazAqparat tilshisi.«Byltyr jeltoqsannyń basynda Polıtehnıcheskaıa kóshesiniń jabylýy qoǵamda rezonans týdyrdy.
«TUAR Invest» qurylys salýshynyń jobasy boıynsha seriktestikke tıesili bul kósheniń bir bóligi jabylyp, oǵan eki turǵyn úı kesheni salynady dep josparlanǵan bolatyn. Qurylys salýshy jobany ózgertti, qazirgi ýaqytta kóshe ashyq, kompanııanyń jeke qarajaty esebinen jol bóligi qalpyna keltirildi. Aqpannyń aıaǵyna deıin jer telimi qalanyń kommýnaldyq menshigine beriledi», - dedi Erbolat Dosaev.
Byltyr áleýmettik jeliler men BAQ-ta Seıfýllın dańǵyly men Baıtursynov kóshesin baılanystyratyn Polıtehnıcheskaıa kóshesi jańa turǵyn úı kesheniniń qurylysy úshin jabylyp jatyr degen aqparat taraǵan bolatyn.
