Qurylys kompanııalaryna qatysty tergeýler aıaqtaldy - QR UEM
ASTANA. QazAqparat - Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti «High Vill Kazakhstan» JShS, «Elorda damý» JShS, «Atlant Injınırıng» JShS, sondaı-aq «Astanamonolıt» JShS (Bazıs) jáne «Jana Qala Qurylysy» JShS qurylys kompanııalaryna (Bazıs) qatysty Qazaqstan Respýblıkasynyń monopolııaǵa qarsy zańnamasynyń buzylýy boıynsha tergeýlerdi aıaqtady.
Monopolııaǵa qarsy zańnamanyń buzylýyn tergeý barysynda páterlerdi satyp alýshylarǵa parkıngti satyp alýdy, basqarýshy kompanııamen sharttar jasasýdy jáne kommýnaldyq qyzmetterge aldyn ala aqy tóleýdi kúshtep tańýdan kóringen josyqsyz básekelestik faktileri anyqtaldy, dep habarlaıdy QR UEM Tabıǵı monopolııalardy retteý jáne básekelestikti qorǵaý komıtetiniń baspasóz qyzmetinen. Іsterdi Astana qalasynyń sottarynda qaraý nátıjeleri boıynsha atalǵan kompanııalardyń ishinen «Elorda damý» JShS jáne «Atlant Injınırıng» JShS ákimshilik jaýapkershilikke tartyldy. Qazirgi kezde BI Group holdınginiń enshiles uıymdary «Shahar NS» JShS-ǵa jáne «Family Village» JShS-ǵa qatysty satyp alýshylarǵa taza árleý talaptaryn kúshtep tańý, qurylys salýshynyń paıdalaný jáne kommýnaldyq qyzmetteriniń, servıstik kompanııa qyzmetteriniń shyǵystaryn óteý faktileri boıynsha monopolııaǵa qarsy zańnamanyń buzylýyna tergeý júrgizilýde.
