Qurylys kompanııalary Almatynyń kelbetin jaqsartýǵa daıyn

ALMATY. QazAqparat - Almaty ákimi Baqytjan Saǵyntaev qurylys kompanııalary men salalyq birlestikterdiń basshylarymen keńes ótikizdi. Kezdesý barysynda qıraǵan ǵımarattardy qalpyna keltirý jáne qalanyń áleýmettik ınfraqurylymyn odan ári damytý máselelerin talqylady, dep habarlaıdy QazAqparat tilshisi.

Qala basshysy jappaı tártipsizdikter barysynda buzylǵan ákimshilik jáne basqa da ǵımarattardy qalpyna keltirý qajettigine nazar aýdardy.
Qysqa merzimde jaǵdaıdy baǵalaýdy júrgizý jáne jóndeý-qalpyna keltirý jumystaryna kirisý mindeti tur.
Qurylys salasy odaǵynyń tóraǵasy Eraly Saýranbaevtyń aıtýynsha, kompanııa basshylary qalany qalpyna keltirýge jáne Almatynyń kelbetin jaqsartýǵa belsendi qatysýǵa daıyn.
Búginde qurylys kompanııalary qyzmetkerleri qala ákimdigi ǵımaratyn tazartyp jatyr.
Oǵan shamamen 660 adam jumyldyrylyp, jaqyn arada tazartý jumystary aıaqtalady. Qıraǵan jıhaz, keńse tehnıkasy, qoqys jınalyp, kádege jaratý úshin polıgondarǵa shyǵarylady.