Qurylys komıtetiniń basqarma basshysy júıeli túrde para alyp kelgen - Ulttyq bıýro

ASTANA. QazAqparat - Qurylys jáne turǵyn úı-kommýnaldyq sharýashylyq isteri komıtetiniń basqarma basshysy júıeli túrde para alyp kelgen, dep habarlaıdy Memlekettik qyzmet isteri jáne sybaılas jemqorlyqqa qarsy is-qımyl agenttigi Feısbýktegi resmı paraqshasynda.

«Ulttyq bıýro qyzmetkerleri Qurylys jáne turǵyn úı-kommýnaldyq sharýashylyq isteri komıtetiniń Memlekettik sáýlet-qurylys baqylaý basqarmasynyń basshysynyń sybaılas jemqorlyqqa jol bergenin áshkereledi. Ol ınjenerlik jeli jobasyn saraptamadan ótkizýge, sondaı-aq tehnıkalyq qadaǵalaýdy akkredıtteý týraly kýálikterdi alýǵa ruqsat berý úshin merdiger uıym dırektorynan birneshe ret para alǵan degen kúdik ke ilindi. Paranyń jalpy somasy 1,7 mln. teńgeni qurady» delingen habarlamada.

Málimetke saı, bólim basshysy qylmysty tolyq moıyndaýyna baılanysty qamaýǵa alynbady.

Sonymen qatar, para berý faktileri boıynsha seriktestiktiń dırektoryna qatysty sotqa deıingi tergeý bastaldy.