Qurylys kodeksiniń alǵashqy jobasy kópshilikke tanystyryldy

ASTANA. QazAqparat - «Atameken» ulttyq kásipkerler palatasynda QR Indýstrııa jáne ınfraqurylymdyq damý mınıstrligi ókilderiniń, sondaı-aq qurylys kompanııalary men sarapshylardyń qatysýymen jańa Qurylys kodeksiniń alǵashqy jobasy usynyldy, dep habarlaıdy QazAqparat.

Atalǵan zań jobasynyń tanystyrylymynda sarapshylardyń aıtqan usynys, eskertýleri osy qujatty ázirleýmen aınalysatyn kishi jumys toptarynyń naqty taraýlar men bólimderdiń mazmunyna baılanysty jıyndarynda talqylanyp, eskeriledi.

Bul reforma Qazaqstandaǵy sáýlet, qala qurylysy men qurylys jumystaryn júzege asyryp, onyń qyzmetin qadaǵalaıtyn memlekettik organdardyń, jeke jáne zańdy tulǵalardyń arasyndaǵy qatynastardy retteýdi kózeıdi.

Sondaı-aq halyqtyń tolyqqandy qolaıly ómir súrý ortasyn qalyptastyrýǵa, eldi mekender men qonysaralyq aýmaqtardy ornyqty damytýǵa baǵyttalǵan.

Qurylys kodeksiniń jobasymen Indýstrııa jáne ınfraqurylymdyq damý mınıstrliginiń saıtynda tanysa alasyz.