Qurylys ındýstrııasyn damytý baǵdarlamasy tehnıkalyq retteý júıesin reformalaýdy qarastyrady
Bul týraly elordada atalǵan baǵdarlamaǵa oraı ótken baspasóz máslıhaty barysynda QR Qurylys jáne turǵyn úı-kommýnaldyq sharýashylyq isteri agenttigi tóraǵasynyń orynbasary Jandos Ákimjanov aıtty.
Onyń atap ótýinshe, qurylys ındýstrııasyn reformalaýdaǵy ekinshi mindet óńirlerdi aýmaqtyq josparlaýdy damytý jáne eldi mekenderdi qala úlgisinde salýdy damytý bolyp otyr. «Úshinshi mindet - bul qurylystaǵy smetalyq baǵa quraýshy júıeni jetildirý. Al sońǵysy turǵyn úı qurylysyn jáne qurylys materıaldaryn óndirýdi damytý», dedi J.Ákimjanov.
Aıta keteıik, baǵdarlamany júzege asyrýdyń joldary men tetikteri retinde istep turǵan kásiporyndardy jańartý, qurylys ındýstrııasynyń jańa kásiporyndaryn salý, qurylys materıaldaryn satyp alý boıynsha uzaq merzimdi kelisim sharttarǵa otyrý, ınvestıtsııalyq jobalardy júzege asyrý barysynda qazaqstandyq qamtý úlesin arttyrý, ınnovatsııalyq granttar bólý jáne kadrlardy daıarlaý qarastyrylyp otyr.
