Qurylys fırmasynyń dırektory elordada sıntetıkalyq esirtki satqan
NUR-SULTAN. QazAqparat – «Ýchaske» jedel-profılaktıkalyq is-sharasy aıasynda quqyq qorǵaý jáne arnaıy organdardyń birlesken operatsııasy júrgizilip, elorda aýmaǵyndaǵy sıntetıkalyq esirtki quraldaryn satý arnasy joıyldy, dep habarlaıdy QazAqparat Qazaqstan Respýblıkasy Memlekettik kúzet qyzmetine silteme jasap.
9 qyrkúıekte Syǵanaq kóshesi boıyndaǵy arnaıy tasjolda QR Memlekettik kúzet qyzmetiniń jedel jasaǵy men Polıtsııa departamentiniń esirtki qylmysyna qarsy kúres basqarmasy birlesip, «Nissan Teana» avtokóligin toqtatty. Júrgizýshisi – elordanyń 35 jastaǵy turǵyny, Nur-Sultanda qurylys-montajdaý jumysymen aınalysatyn JShS dırektory. Ol «Mefedron» sıntetıkalyq tobyna jatatyn esirtkini iri kólemde satqan.
Ustalǵan kúdikti kinásin moıyndady. QR QK 297-baby 2-bóligi boıynsha qylmystyq is qozǵaldy. Ol qalalyq polıtsııa departamentiniń ýaqytsha ustaý oqshaýlaǵyshyna qamaldy. Astanaǵa esirtki jetkizýmen aınalysqan sybaılastaryn anyqtaý maqsatynda tergeý júrip jatyr.
