Qurylys batalondaryn qurý máselesi qaralǵan joq - QR Qorǵanys mınıstrligi

ASTANA. QazAqparat - QR Qorǵanys mınıstrligi qurylys batalondaryn qurý týraly máseleni qarastyryp otyrǵan joq. Bul týraly «QazAqparattyń» resmı saýalyna atalǵan vedomstvodan habarlady.

«Merzimdi áskerı qyzmetke azamattardy shaqyrý Qarýly Kúshterdiń jaýyngerlik qýatyn jasaqtaý men qoldaý úshin qajetti kólemde iske asyrylady. QR Qorǵanys mınıstrligi búgingi jaǵdaıda óziniń qurylymynda qurylys batalondaryn qurý týraly máseleni qarastyryp otyrǵan joq. Sebebi, memlekettiń egemendigi men qaýipsizdiginiń kepili retinde Qarýly Kúshterdi damytý birinshi kezekte áskerdi kásibılendirý men jaýyngerlik qabiletti áskerdi qalyptastyrýǵa baǵyttalǵan»,-delingen mınıstrlik hatynda.

Esterińizge sala keteıik, bıyl jazda QR Úkimetiniń otyrysynda QR Densaýlyq saqtaý jáne áleýmettik damý mınıstri Tamara Dúısenova qurylys balatondaryn qaıta jańǵyrtyp, oǵan jumyssyz jastardy baǵyttaý usynysyn jasaǵan edi.