Qurylyp jatqan kondomınıýmdar aýlalardy abattandyrý problemasyn sheshe alady - Jambyl oblysynyń ákimi
JAMBYL OBLYSY. Qyrkúıektiń 17-si. QazAqparat /Galına Skrıpnık/ - Qurylyp jatqan kondomınıýmdar aýlalardy abattandyrý problemasyn sheshe alady, dep atap ótti Jambyl oblysynyń ákimi Qanat Bozymbaev kezekti keńes barysynda.
Onyń oıynsha, oblys ortalyǵynda kondomınıýmdar qurý óte baıaý qarqynmen júrgizilýde. Qazirgi kúni 1048 kópqabatty úıdiń tek 120-sy kondomınıýmǵa kirgen, 253 úı rásimdeý kezeńinde tur. Sonymen qatar, 540 PIK-ke kiredi, al 50-inde ózin-ózi basqarý uıymdastyrylǵan.
«Qaraýsyz qalǵan» úıler aýlalarda turmystyq qaldyqtardyń jınalyp qalýyna tikeleı áser etedi, dep atap ótken oblys ákimi, kondomınıýmnyń artyqshylyqtary tolyqqandy túsindirý jumystaryn júrgizbegeni úshin qala ákimi atyna syn- eskertpe aıtty.
«Eger túsindirý jumystary óz deńgeıinde júrgizilgende, turǵyndar kondomınıýmdardyń artyqshylyqtaryn baıaǵyda túsinip, óz aýlalalarynyń tazalyǵyn bıýdjettik qarjyǵa qalpyna keltirer edi», - dep atap ótti Qanat Bozymbaev.
