Quryq teńiz portynda astyq termınaly salynyp jatyr

AQTAÝ. QazAqparat - Mańǵystaý oblysynyń ákimi Serikbaı Trumov Quryq portynyń jumysymen tanysty, dep habarlaıdy QazAqparat.

Bul jaıynda Mańǵystaý oblysy ákiminiń baspasóz qyzmeti málimet taratty.

«Quryq Porty» JShS bas dırektory Serik Ahmetov oblys ákimine porttyń óndiristik qyzmeti, astyq termınalynyń qurylysy týraly baıandama jasap, aldaǵy josparyn bólisti.

«2020 jyly Quryq portynyń aýmaǵynda astyq termınalynyń qurylysy bastaldy. Jobany «Kaspi grain way» JShS júrgizedi. Investor qarajaty esebinen qurylys nysanyna 6 mlrd teńge jumsalady. Jumystyń alǵashqy kezeńinde 40 adam ýaqytsha jumyspen qamtylady jáne nysan iske qosylǵannan keıin 30 adam turaqty jumysqa ornalasady», – dedi Serik Ahmetov.

Bul joba Quryq portynda dándi jáne maıly daqyldardy aýystyryp tıeý boıynsha zamanaýı astyq termınalyn qurýǵa múmkindik beredi.

Osylaısha eldiń tranzıttik jáne eksporttyq áleýetin arttyrýǵa jáne otandyq shaǵyn jáne orta bıznesti damytýǵa úlken septigin tıgizbek.

Jumys bastalǵanda qazaqstandyq jáne halyqaralyq astyq kompanııalarynyń tájirıbesi eskerilip, eýropalyq óndirýshilerdiń tehnıkalyq jabdyqtary paıdalanylady.

Qurylys jumysy 2022 jyldyń qyrkúıek aıynda aıaqtalady dep josparlanǵan.