Quryq portynda 103 adam ustaldy
ASTANA. QazAqparat - Mańǵystaý oblysynyń Іshki ister departamentine qarasty kóshi-qon basqarmasynyń zańsyz kóship-qonýshylarmen kúres qyzmetkerleri Quryq portynda kórshiles memleketterden kelgen 103 adamdy ustady. Bul týraly lada.kz habarlady.
Oqıǵa 22 jeltoqsanda bolǵan.
«Arnaıy júrgizilgen tekserýler barysynda ustalǵan azamattardyń quzyrly organnyń arnaıy ruqsat qujattarynsyz elimizdiń aımaǵynda eńbek etip júrgenderi anyqtaldy»,-dep habarlady oblystyq ІІD-niń baspasóz qyzmeti.
Ustalǵan azamattarǵa sheteldikterdiń Qazaqstanǵa kelý erejesin buzdy degen aıyp taǵylyp otyr. Osy iske qatysty materıaldar sot organdaryna joldanyp, aldaǵy ýaqytta tıisti protsessýaldy sheshim qabyldanady.
